Havacılık Yönetimi

Aviatsiya menejmenti bakalavriat dasturining maqsadi aviatsiyaning barcha faoliyat sohalarida (aviakompaniya, aeroport, yer usti xizmatlari, kargo, katering va h.k.) faoliyat ko‘rsatayotgan aviatsiya korxonalarining marketing, buxgalteriya hisobi, moliya, parvoz operatsiyalari, sifat nazorati hamda parvoz xavfsizligini boshqarish kabi funksional bo‘linmalarida faoliyat yuritishga qodir malakali kadrlar tayyorlashdan iboratdir. Shuningdek, mazkur bo‘linmalarda hozirgi kunda faoliyat ko‘rsatayotgan xodimlarning samaradorligi va mahsuldorligini oshirish maqsadida ularni tegishli bilim va ko‘nikmalar bilan qurollantirish ko‘zda tutilgan. Havo transportining ahamiyati, ayniqsa, Ikkinchi jahon urushidan keyin yaqqol namoyon bo‘la boshladi. Bugungi kunda havo transporti nihoyatda jadal rivojlanayotgan sohalardan biridir. Havo transporti faoliyatidan kutilgan natijaga erishish aviatsiya tizimining xavfsiz, ishonchli va samarali ishlashiga bog‘liqdir. Aviatsiya jadal rivojlanayotgan iqtisodiy faoliyat sohasi bo‘lishi bilan bir qatorda, ilg‘or texnologiyalardan intensiv foydalanishni talab etadi. “Avvalo xavfsizlik” tamoyili asosida faoliyat yuritilishini kafolatlash uchun, o‘ta batafsil tartibga soluvchi qoidalarga ega bo‘lgan ushbu sohada faoliyat ko‘rsatuvchi xodimlarning malakali ta’lim olishlari g‘oyat muhimdir. Mazkur dastur yuqorida qayd etilgan malakalarni shakllantirishga qaratilgan fanlarni masofaviy ta’lim usuli orqali keng omma e’tiboriga havola etib, aviatsiya sohasiga qiziquvchi barcha qatlam vakillariga ta’lim olish imkoniyatini taqdim etadi.

(*) Aviatsiya menejmenti bakalavriat dasturiga hujjat topshiruvchi nomzodlar aeroportga kirish ruxsatnomasini olishga to‘sqinlik qiladigan sudlanganlik holati yoki sud arxivida qaydlari mavjud emasligini tasdiqlovchi hujjatni hamda ushbu kasbni va/yoki kasbiy vazifalarni bajarishga to‘sqinlik qiladigan har qanday sog‘liq muammolari (eshitish qobiliyatining yo‘qligi/pasayishi, ko‘rish qobiliyatining yo‘qligi/pasayishi va h.k.) mavjud emasligi to‘g‘risidagi ixtisoslashtirilgan shifoxonadan olingan tibbiy komissiya xulosasini boshqa ro‘yxatdan o‘tish hujjatlari bilan birgalikda masofaviy ta’lim fakulteti (AÖF) aloqa bo‘limiga taqdim etishlari shart.