Havacılık Yönetimi

Aviasiya İdarəçiliyi bakalavr proqramının məqsədi bütün aviasiya fəaliyyət sahələrində (aviaşirkətlər, hava limanları, yerüstü xidmətlər, yükdaşımalar, iaşə və s.) fəaliyyət göstərən aviasiya müəssisələrinin marketinq, mühasibatlıq, maliyyə, uçuş əməliyyatları, keyfiyyət və təhlükəsizlik idarəetməsi kimi funksional alt bölmələrində çalışa biləcək ixtisaslı kadrlar yetişdirməkdir. Eyni zamanda bu sahələrdə hazırda çalışan personalın səmərəliliyini və məhsuldarlığını artıracaq bilik və bacarıqlarla təchiz edilməsi də hədəflənir. Hava nəqliyyatının əhəmiyyəti xüsusilə İkinci Dünya Müharibəsindən sonra daha aydın şəkildə başa düşülməyə başlanmışdır. Günümüzdə isə hava nəqliyyatı ən sürətlə inkişaf edən sahələrdən biridir. Hava nəqliyyatı fəaliyyətlərinin gözlənilən faydanı təmin etməsi aviasiya sisteminin təhlükəsiz, etibarlı, effektiv və səmərəli işləməsindən asılıdır. Aviasiya sürətlə inkişaf edən iqtisadi fəaliyyət sahəsi olmaqla yanaşı, intensiv şəkildə qabaqcıl texnologiyalardan istifadəni tələb edir. “Əvvəl təhlükəsizlik” prinsipi əsasında fəaliyyətlərin təmin edilməsi üçün olduqca detallı qaydalara malik olan bu sektorda çalışan personalın keyfiyyətli təhsil alması son dərəcə vacibdir. Proqram yuxarıda qeyd olunan xüsusiyyətləri qazandırmağı hədəfləyən dərsləri açıqöyrənmə üsulu ilə geniş kütlələrə çatdıraraq, aviasiya sahəsinə maraq göstərən hər kəsə təhsil imkanı təqdim edir.

(*) Aviasiya İdarəçiliyi bakalavr proqramına qeydiyyatdan keçəcək namizədlərdən əlavə olaraq hava limanına giriş kartının alınmasına mane olan hər hansı Məhkumluq Qeydinin və ya Məhkumluq Arxiv Qeydinin olmadığını təsdiq edən sənəd, həmçinin bu peşəni və/və ya peşə çərçivəsində verilən vəzifəni icra etməyə mane olacaq hər hansı sağlamlıq probleminin (eşitmə itkisi/çatışmazlığı, görmə itkisi/çatışmazlığı və s.) olmadığını göstərən, tam təchizatlı xəstəxanadan alınmış sağlamlıq şurası arayışı digər qeydiyyat sənədləri ilə birlikdə AÖF əlaqə ofisinə təqdim edilməlidir.